Blog

Een Kerstgedicht door Jan Riesewijk: Kesmis 2017

Een Kerstgedicht door Jan Riesewijk: Kesmis 2017

Eertieds in dee Bethlemstal, noe 2017 joar gelee,
lag doar in de kribbe,’t Kindeke Jezus na tevree.
Jozef en Maria wadden greuts op wat ze hadden kreggen
en os en ezzel heulen ere snuutkes der langzaam teggen.
De engelkes en herders, schöapkes en de rest,
het was in heel de wearld nog nooit zo lecht en vredig west.
Mer boeten was’t a rap wier doonker, de kindermoord in Bethlehem
en in al dee 2000 joaren dernoa, zollen wie nog vaak duusternis belemm’n.
Toch bliewt wie hoppen en vertrouwen, dat ooit het Lecht zal kommen,
in ne wearld van vrea en leefde, nig van terreur, ellende en bommen.
Dat de bosschop van Kesmis ooit woarheid mag wodden,noe en alle dagen,
veur alle mensen op de wearld: vrea in welbehagen!
En ok kotterbie in eagen leamen, woar het ok mangs duuster is,
want doarveur hoof ie geerl nig wied te kieken, da’s ja wis.
Dus vrede op aarde, cliche, toch is het mien grootsten wens,
mer ok röst en bliedschop in hoes veur ieder mens.
Da’j het lecht oet het kribke mait ervaren heel intens en waarm,
da’j ne blie gemood hebt en nen anner in’n aarm.
Tot steun aj’t neudig hebt, da’j vol vertrouwen wet: ik stoa nig alleen,
dan pas kan het disse dagen veur alle leu echt Kesmis ween!
Dat weans ik oe too, van harte; weas tevree,
net as eertieds in dee Bethlemstal, noe 2017 joar gelee!

Zalig Kesmis!

Jan Riesewijk December 2017

afbeelding van Jan Riesewijk

Door: Jan Riesewijk